Општа цел: Да се поттикне и олесни процесот на креирање на Стратегија за млади на Општина Центар преку воспоставување структуриран, инклузивен и партиципативен консултативен процес со млади, граѓански организации и релевантни општински чинители.
Специфична цел: Да се овозможи активно и суштинско учество на младите од Општина Центар во идентификување и артикулирање на нивните клучни потреби, предизвици и приоритети поврзани со квалитетот на живот за млади.
Резултати
- Воспоставен структуриран и функционален консултативен процес со млади.
- Зајакната соработка и дијалог меѓу младите, граѓанските организации, Младинскиот центар и Општина Центар.
- Изработен структуриран документ со препораки за младински приоритети и политики во Општина Центар
Таргет група
- Млади лица на возраст од 15 до 29 години кои живеат, учат или се социјално активни на територија на Општина Центар.
- Граѓански организации и неформалните младински групи кои делуваат на територија на Општина Центар.
- Претставници од релевантните општински сектори од Општина Центар, заедно со претставници од Младинскиот центар при Општина Центар
Временска рамка
Времетраењето на проектот е од 01.05.2026г. до 31.12.2026г.
Донатор
Проектот е финансиран од Општина Центар.
